Istoria

2001eko udaran sortu zen Oliba Gorriak, hasieran hiru lagunen arteko jolas bezala jaio zen eta amets eta errealitate bilakatu zaigu azkenean. Bidaia luze honetan 38 kontzertu, hainbat kantu eta mila guda dantza eskaini ditugu beti ere gaur egun munduak eta euskal herriak bizi duen errealitateari so eginez eta eguneroko bizitzan eragiten gaituzten gaiei bizkarrik eman gabe, eta errealitate gordin honen aurrean gure mezuak, ideiak eta burutapenak lau haizetara zabalduz. Azken finean hori delako Oliba Gorriak, bilatzen den jendartearen alienazioaren aurreko bitarteko komunikatibo propio bat, ahotsik gabekoen ahotsa, ideien gudan murgiltzeko deia.
Irailaren 28an hasi zen bidaian lagun eta etsai ugari egin ditugu, guzti hau, 05-07-15an taldeak kaleratu zuen “Ogi gogorrari hagin zorrotza!” lehen disko autogestionatuan argi islatzen da, amorrua, indarra, maitasuna, jaia… Lan hau kaleratu bezain laster, abeslariaren atxiloketak gure ibilbidea baldintzatu zuen eta ezinbesteko geldiune bat egitera behartuak izan ginen… hala eta guztiz ere 06-03-04an MusikHerria herri diskoetxearentzat propio sortutako abesti batekin, berriro ere gerrilla musikalari ekin genion herriak, kulturak, pertsonak eta munduaren suntsipena dakarren sistemaren aurrean zapaltzaileen aurkako zapalduen gerra indartuz, zapalduen bozgoragailu bilakatuz. Guzti honen emaitza 06-12-07an kaleratu den “Bake faltsuari gerra!” bigarren diskoa izan da.